DC NGULI APIGA KURA KITONGOJI CHA KANISANI AHIMIZA WANANCHI KUJITOKEZA KWA WINGI

Posted on: November 27th, 2024

Zoezi la upigaji kura kuchagua Viongozi wa Serikali za Mitaa za Mitaa likiendelea Mkuu wa Wilaya ya Mvomero, Mhe. Judith Nguli, amepiga kura kuchagua Viongozi wa Serikali ya Kijiji na Kitongoji katika kituo cha Kanisani mapema leo huku akihimiza wananchi wote kujitokeza kwa wingi kushiriki katika zoezi hilo muhimu la kidemokrasia.

Akizungumza mara baada ya kupiga kura, Mhe. Nguli amesema mchakato wa upigaji kura katika kituo hicho unaendelea kwa utulivu, huku wananchi wakizingatia taratibu zilizowekwa.

Zoezi la upigaji kura linaendelea katika maeneo yote hapa nchini ambapo vituo vya kupiga kura vinatarajiwa kufungwa  Saa 10 jioni huku serikali ikisisitiza umuhimu wa kudumisha amani.

MWISHO