Sheria

KITENGO CHA SHERIA

Kitengo cha Sheria ni mojawapo ya kitengo kati ya Vitengo sita vinavyopatikana katika Halmashauri ya Wilaya ya Mvomero.

Majukumu ya kitengo cha sheria

1. Kutoa tafsiri za sheria, kanuni na miongozo mbalimbali kwa masuala yote yahusuyo sheria kwa Halmashauri ya Wilaya na Idara zake;
2. Kusimamia na kuendesha mashauri (kesi) yote ya Halmashauri ya Wilaya yaliyopo mahakamani
3. Kupitia rasimu za mikataba inayotarajiwa kuingiwa na Halmashauri ya Wilaya na kutoa ushauri utakaolinda maslahi mapana  ya Halmashauri katika mikataba hiyo;
4. Kuishauri Halmashauri ya Wilaya maeneo yanayotakiwa kuundiwa Sheria ndogo;
5. Kuandaa Sheria ndogo za Halmashauri ya Wilaya kwa kushirikiana na sekta/Idara husika;
6. Kusimamia uundwaji na utekelezaji wa mabaraza ya kata kwa kutoa mafunzo kwa wajumbe wa mabaraza hayo katika eneo la Halmashauri ya Wilaya;
7. Kushauri na kusaidia utatuzi wa migogoro ya Ardhi katika eneo la Halmashauri ya Wilaya;
8. Kutoa msaada na ushauri wa kisheria kwa serikali za vijiji vilivyo katika eneo la Halmashauri ya Wilaya;
9. Kushauri Halmashauri ya Wilaya katika usimamizi na utekelezaji wa mikataba ya Halmashauri ya Wilaya;