MKUTANO WA BARAZA LA KATA ROBO YA PILI OKTOBA - DISEMBA 2025/2026

Posted on: January 29th, 2026

Mwenyekiti wa Halmashauri ya Wilaya ya Mvomero Mhe. Koira Kurman Majuka ameongoza kikao cha Baraza la Kata kujadili taarifa za Kata kwa robo ya Pili kipindi cha Oktoba - Desemba kwa mwaka wa fedha 2025/2026.

Kikao hicho kimefanyika leo Januari 29, 2026 katika ukumbi wa mikutano wa Halmashauri kikiwakutanisha Waheshimiwa Madiwani, Watendaji wa Kata 30 za Halmashauri hiyo, pamoja na Wataalam wa Halmashauri.

Akizungumza wakati akifungua kikao hicho Mhe. Koila amewataka watendaji wa Kata na Wataalam wa Halmashauri kuteleleza majukumu yao kwa weledi na kuhakikisha kuwa hakuna migongano baina ya watendaji kwa watendaji ama watendaji na Madiwani ili halmashauri hiyo iweze kuwaletea maendeleo wananchi wa Wilaya hiyo.

Kata zilizowasilisha taarifa zake ni pamoja na Kata ya Mtibwa, Kanga, Sungaji, Mvomero, Mkindo, Dakawa, Kikeo, Tchenzema, Nyandira, Mzumbe na Mlali huku Kata nyingine zitawasilisha taarifa zake katika kikao kijacho.